Alberto Brinjoli, me golin e tij jo vetëm që i dhuroi ekipit pikën e parë historike në Serinë A, por i prishi debutimin Xhenaro Gatuzos. Deri këtu gjithçka normale, nëse nuk do të ishim duke folur për një portier.

Pikërisht kështu, 26-vjeçari në fjalë mbron portën e Beneventos, por në fakt kartoni i tij i përket Juventusit, klub për të cilin bën tifo dhe dëshiron të bëhet pjesë, ndoshta që në sezonin e ardhshëm si zëvendës i Sheznit, shkruan Panorama.

“Nuk është se nuk e besoj, por është aq rrallë mundësia që të ndodhë një gol i tillë. Dëgjova nga stoli që më thoshin të sulmoja, kur pashë topin godita saktë si një sulmues, por e bëra me symbyllur si një portier”, do të rrëfente portieri, i cili dje jo vetëm shkroi historinë e klubit të tij, por tregoi edhe një herë se çfarë përrallash është në gjendje të na dhurojë futbolli.

-Advertisement-

PËRVOJA – I lindur në Bergamo dhe tifoz i çmendur i Pantanit dhe i apasionuar pas biçikletës. Akuzat për doping ndaj legjendës së dy rrotave e detyrojnë t’i kushtohet pasionit tjetër, tashmë edhe profesion. Ndryshe nga shumë bashkëqytetarë që preferojnë Atalantën, Brinjoli që i vogël dashuron “Zonjën e Vjetër”, me të cilën lidh një kontratë në 2015.

Kontrata është shenjë besimi, por djaloshi nuk ka përvojë dhe Juvja e huazon fillimisht te Ternana, më pas te Sampdoria e Peruxhia, me një ndalesë në Spanjë te Leganes. Këtë vit i “vjedh” vendin në formacion Vid Belec dhe në 720 minuta koleksionon 18 gola të pësuar dhe… një të shënuar.

FAT “BARDHEZI” – Ashtu si goli i djeshëm, edhe interesi i Juventusit dy vite më parë dukej si një ëndërr. “Nuk e besoja as pasi firmosa. Herën e parë që shkova në Vinovo m’u shfaq Xhixho Bufon, i cili më uroi mirëseardhjen.

Që aty fitova vetëbesim dhe vazhdova të ndjek gjurmët e babit tim që arriti të luante deri në Serinë C”, vazhdoi rrëfimin e portieri hero i Beneventos.Edhe debutimi në Serinë A ndodhi përballë Juventusit “të tij” që vërtet nuk e kurseu duke i shënuar pesë gola, por i shtoi edhe më shumë etjen për ato ngjyra që tani janë kthyer në fiksim dhe mision.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-