Auto&Tech

Si të shmangen ngrirjet e xhamave, pasqyrave, bravave e dyerve në veturë

Autori: Gazeta inFokus 15:17 | 30 November 2017

Në ditët e ftohta të cilat janë duke ardhur, jeta do të na bëhet më e lehë nëse i bëjmë disa gjëra që të parandalohet ngrirja e veturës.

1. Zgjidhni lindjen. Nëse keni mundësi, gjithmonë duhet parkuar veturën ashtu që pjesa e përparme të jetë e kthyer kah lindja. Kështu rrezet e para të mëngjesit do ta shkrijnë akullin në veturë.

2. Ndihmon alkooli dhe sapuni. Bëni lëngun për shkrirjen e xhamit me të cilin në do të mund ta spërkatni në mëngjes xhamat e ngrira. Në një shishe vendosni një litër alkool, një decilitër ujë dhe një lug detergjent për larje të enëve. I përzini mirë. Ekziston edhe një recetë, dy të tretat e alkoolit dhe një e treta ujë).

-Advertisement-

3. Mbrojtja e bravës nga akulli. Këtu ndihmon WD40. Spërkateni në bravë dhe vetura nuk do të ngrihet gjatë natës.

4. Mbrojtja e dyerve nga akulli. Shumë thjeshtë, vetëm duhet ta lyeni gomën rreth derës me ndonjë gjë të yndyrshme. Mund të jetë glicerina, vazelina, vaj kuzhine etj.

5. Mbrojtja e retrovizorëve. Retrovizorët e jashtëm në veturë nuk do të ngrihen nëse në to vendosni qese të plastikës. Mund të mbështjelljen me shirit gome.

6. Vendosni karton mbi xhama. Kjo është mënyrë e shkëlqyer e parandalimit që xhamat në veturë të mos ngrihen. Në vend të kartonit mund ta vendosni edhe ndonjë peshqir të vjetër.