Lifestyle

Holandë, gjykata del kundër ligjit për kanabisin: Është absurd

Autori: Gazeta inFokus 09:46 | 30 November 2017

Me 3.000 klientë në ditë dhe një xhiro vjetore prej 26 milionë eurosh, “Checkpoint”, kafeneja më e madhe e kanabisit në Holandë ishte një sukses i vërtetë tregtar.

Derisa sa u mbyll në vitin 2009, pasi testoi deri në limit atë që holandezët e konsiderojnë “politika e tolerancës”, sipas së cilës prokurorët mbyllin një sy ndaj disa shkeljeve të ligjit, përfshirë biznesin e shitjes së kanabisit.

Të martën, një gjykatë në Holandë vendosi se pronari i kafenesë, Meddie Willemsen ishte fajtor për drejtimin e një sipërmarrjeje kriminale, por nuk do të dënohet.

-Advertisement-

Vendimi theksoi atë që vet gjykata e Den Bosch e përshkroi si një paradoks në qasjen holandeze ndaj drogave të lehta. Ligji në Holandë lejon kafenetë e licencuara që të shesin kanabis, por mund të mbajnë deri në 500 gramë, ndërsa prodhimi i kësaj droge është i ndaluar.

Në kulmin e suksesit të “Checkpoint”, pronari i saj Willemsen mbante aty deri në 200 kg dhe është logjike të mendohet se drogën ia sillnin trafikantët.

Gjykata tha se sasia e madhe e drogës shkel ligjin, por pronari s’kishte si të bënte ndryshe për të mbajtur biznesin. Në vitin 2010, Willemsen u dënua me 16 javë burg dhe 10 milionë euro gjobë, por gjykata e Den Bosch i anuloi këto ndëshkime.

Gjykata tha se historia e “Checkpoint” nënvizon absurditetin e ligjit në Holandë, ku shitja e kanabisit në kafene është e ligjshme, por prodhimi dhe transporti i tij është i jashtëligjshëm. “Ja ku i gjetëm një punë ligjvënësve”, deklaroi kryegjyqtari në mbyllje të seancës.

Subscribe në YouTube: GAZETA INFOKUSI