Lajme

Sot pritet të shpallet vendimi për Ratko Mlladiqin

Autori: Gazeta inFokus 08:16 | 22 November 2017

Tribunali për krime të luftës i Kombeve të Bashkuara, sot do të shpall akgjykimin për ish-komandantin e forcave serbe të Bosnjës, Ratko Mlladiq.

I njohur si “Kasapi i Bosnjës”, Mlladiq është i akuzuar për gjenocid, krime kundër njerëzimit dhe krime të luftës, derisa pritet që vendimi të jetë dënim me burgim të përjetshëm.

Mlladiq mbahet përgjegjës për ekzekutimin e 8 mijë burrave myslimanë në korrik të vitit 1995, që njihet si mizoria më e madhe e kryer në Evropë pas Holokaustit.

-Advertisement-

Vendimi për Mlladiqin do të jetë gjykimi i fundit nga tribunali që ishte themeluar në Hagë në vitin 1993 për dënimin e krimeve të kryera në luftërat Ballkanike në vitet e 90-ta.

Ndër të tjera Mlladiq, akuzohet për vrasje, torturë, dhunime, shfarosje dhe bombardime.

Mlladiq i ka hedhur poshtë të gjitha akuzat ndaj tij.

Subscribe në YouTube: GAZETA INFOKUSI