Sport

FFK me komunikatë zyrtare për Bersant Celinën

Autori: Gazeta inFokus 18:49 | 10 November 2017

Bersant Celina është rikthyer në Angli, por nuk e ka braktisur Kombëtaren U21.

Celina u rikthye në Angli pas humbjes së Kosovës nga Izraeli 4:0 dhe fillimisht u raportua se sulmuesi i Manchester City e braktisi Kombëtaren U21.

Por, i menjëhershëm ka qenë reagimi i FFK-së, që kanë shpjeguar se kishin marrëveshje me klubin anglez Ipswich Town që Celina të luajë vetëm një ndeshje me Kosovën U21, transmeton Gazeta Express.

-Advertisement-

Ky është reagimi i plotë i FFK-së:

Federata e Futbollit e Kosovës hedh poshtë spekulimet në disa portale se Bersant Celina e ka braktisur Kombëtaren U21.

Me këtë rast njoftohet opinioni se marrëveshja me klubin anglez Ipswich Town ka qenë që Bersant Celina ta luajë vetëm një ndeshje me Kombëtaren U21 dhe më pas të rikthehet në Angli, kjo për shkakun se klubi i ka synimet e veta për kreun e renditjes në Championship.