Sport

“Manipulimi” i VAR-it në Bundesliga, shkarkohet përgjegjësi

Autori: Gazeta inFokus 14:22 | 07 November 2017

Federata gjermane e Futbollit mori masa drastike ndaj Hellmut Krug, përgjegjësit të eksperimentit me sistemin VAR në Bundesligën gjermane, duke e shkarkuar nga detyra e tij.

Ferrara 06-08-2017 Stadio Paolo Mazza Friendly match Spal – Chievo Verona foto Daniele Buffa/Image Sport/Insidefoto
nella foto: Piero Giacomelli Var

Ky i fundit akuzohet se ka favorizuar Schalke 04 në ndeshjen me Wolfsburg, kur ndryshoi dy vendime të këtij sistemi. Sistemi VAR kishte gjykuar të dy episodet kundër skuadrës nga “Gelsenkirchen” në atë ndeshje, por Krug bëri të kundërtën.

-Advertisement-

Hellmut Krug dhe vet Federata gjermane përgënjeshtrojnë këtë favorizim, por gjithsesi, ndryshimet janë bërë tashmë dhe qeveria e futbollit të këtij vendi e largoi atë nga detyra që kishte, duke e caktuar në një pozicion tjetër.

Rolin e përgjegjësit të sistemit VAR e mori Frohlich, arbitër i FIFA-s dhe shefi i arbitrave në kampionatin gjerman.