Sport

Wilder – Stiverne, zbulohet ora e duelit të madh të boksit

Autori: Gazeta inFokus 14:04 | 04 November 2017

Deontay Wilder, do të luftojë për mbrojtjen e titullit të tij ndaj Bermane Stiverne në “Barclays Center” në New York.
Një nga duelet më interesante të këtij fundviti do të zhvillohet këtë fundjavë në boksin botëror. Wilder, që tashmë ka nisur luftë mediatike me kampionin e botës, Athony Joshua, këtë vikend do të përballet me Stiverne.

Kampioni aktual në WBC, Deontay Wilder, do të luftojë për mbrojtjen e titullit të tij ndaj Bermane Stiverne në “Barclays Center” në New York.

Stiverne dhe Wilder janë përballur edhe më herët, dhe e veçanta e këtij dueli është pikërisht fakti se Wilder e ka mposhtur Stivernen me gjyqtarë, që është e vetmja ndeshje në karrierë që ai nuk e ka fituar me nokaut.

-Advertisement-

Nëse Wilder arrin të mposhtë Stivernen, do të jetë mandatar për unifikim të titujve të kategorisë së rëndë me Anthony Joshuan, me të cilin tash e sa kohë ka luftë mediatike në distancë, shkruan “Gazeta Express”.

Joshua ka zhvilluar 20 ndeshje në karrierë dhe që të gjitha i ka përfunduar para kohe. Vetëm pak ditë më parë ai mbrojti titullin e kampionit të botës për pesha të rënda duke e mundur boksierin nga Kameruni, Carlos Takam.

Dueli Wilder vs Stiverne, sipas kohës tonë lokale do të zhvillohet në ora 02:00 të së dielës, apo të shtunën pas mesnatës.

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

sport