Sport

Lëvizja e madhe e kroatëve: Ancelotti në stol për Kampionatin Botëror?

Autori: Gazeta inFokus 17:26 | 19 Tetor 2017

Carlo Ancelotti së shpejti mund të ulet në stolin e një ekipi kombëtar. Ky është lajmi i bujshëm raportuar nga “La Gazzetta dello Sport” për të ardhmen e ish-trajnerit të Bayern Munich.

Emri i Ancelottit, i cili të mërkurën ishte në “Stamford Bridge” për të parë ndeshjen Chelsea-Roma, këto ditë do të jetë mbi të gjitha i bujshëm në Kroaci, ku ëndërrojnë t’i besojnë drejtimin e kombëtares së këtij shteti. Për më tepër, pas shkarkimit të papritur të Ante Cacic, trajneri Dalic është një zgjidhje emergjente, jo afatgjatë.

“La Gazzetta dello Sport” bën me dije se trajneri i tanishëm me siguri do ta çojë Kroacinë në “play-off”, në nëntor, kundër Greqisë.

-Advertisement-

Por edhe në rast të kualifikimit mund të shkarkohet për t’ia besuar stolin një tekniku më me përvojë. Ëndrra në këtë drejtim, siç u përmend, është quajtur Carlo Ancelotti, të cilin Kroacia do ta angazhojë si trajner që në periudhën e Kupës së Botës.

Një propozim që, nëse konfirmohet, mund të gradojë trajnerin italian. Gjithashtu, për shkak se Kroacia, ku luajnë kampionët e kalibrit Modric, Rakitic, Kovacic, Perisic dhe Mandzukic, Botërori i Rusisë nuk mund të jetë një shëtitje e thjeshtë. Kjo kombëtare, me Ancelottin në stol, mund të jetë në gjendje të trembë çdo kundërshtar.