Rozë

Skandali seksual, aktoret nuk i duan as kompaninë producentit

Autori: Gazeta inFokus 15:32 | 10 October 2017

Bordi drejtues i Weinstein Co. e shkarkoi menjëherë manjatin e turpëruar të filmit, njëkohësisht bashkëkryetar të saj, Harvey Weinstein, por e ardhmja e firmës tani është e paqartë.

Kryeredaktori i revistës ‘The Hollywood Reporter’ , Matthew Belloni e ka ndjekur nga afër gremisjen e producentit të famshëm hollivudian.

“Pyetja kryesore që shtrohet kur vihet në diskutim aftësia e kompanisë Weinstein për të ecur përpara është sa ishin drejtuesit e tjerë të saj në dijeni të këtyre veprimeve. Kam përshtypjen që do t’iu duhet për çdo rast të ndryshojnë emrin. Ky do të ishte një hap i parë drejt pastrimit të imazhit, deklaroi Matthew Belloni, kryeredaktor i ‘The Hollywood Reporter’.

-Advertisement-

Meryl Streep dhe Judi Dench iu “përveshën” të hënën Weinstein, një njeri të cilin e kishin vlerësuar lart, pa qenë ne dijeni, siç thanë, të veprimeve të tij të turpshme me femrat. Zërit të indinjatës iu bashkuan edhe aktorë të tjera të famshme si Jessica Chastain e Julianne Moore. Belloni mendon se vendi i 65 vjeçarit në majën e Olimpit, kaq e pat.

“Mendoj se Harvey, në Hollywood ka marrë fund. Nuk e di sesi mund të punoje dikush me të dhe jetëgjatësinë në këtë industri e kishte pikërisht në sajë të marrëdhënies së tij me talentin”, tha Belloni.

Skandali shpërtheu kur gazeta New York Times, njoftoi në një artikull tronditës se Weinstein kishte arritur të paktën tetë marrëveshje lidhur me akuza për ngacmime seksuale. Në mesin e akuzuesve, ishte edhe aktorja Ashley Judd si dhe disa ish-punonjëse të tij.