Lajme

Panik në Londër, shpërthim në një metro

Autori: Gazeta inFokus 14:44 | 26 September 2017

Stacioni i metros Tower Hill është evakuuar pas një zjarri të vogël të shkaktua nga shpërthimi i një mbushësi të telefonit mobil si pasojë e tejnxehjes.

Incidenti, vetëm pak javë pas sulmit terrorist në metro, çoi në skena paniku në stacionin e trenit në lindje të Londrës, shkruan Mirror, përcjell Express.

Dëshmitarët kanë thënë se udhëtarët e tmerruar kanë ikur në turmë pas një shpërthimit të vogël në një çantë.

-Advertisement-

Fotografi të publikuara nga udhëtarët shfaqin një mjet duke u djegur në dysheme, ndërsa video të publikuara online shfaqin njerëzit duke ikur nga treni.

Një numër njerëzish janë lënduar duke ikur, ndërsa policia ka konfirmuar se incidenti nuk është terrorist.