Sport

ZYRTARE: Vala Superliga për dy edicionet e ardhshme në këtë televizion

Autori: Gazeta inFokus 14:19 | 25 September 2017

Tashmë e dimë se në cilin ekran do ta shohim Vala Superligën edhe në dy vitet e ardhshme.

Gazeta Olle mëson se Federata e Futbollit të Kosovës ka pranuar ofertën e “Digitalb”.

Në këtë mënyrë, ndeshjet e Superligës do të transmetohen në “Supersport Kosova” edhe për dy edicionet e ardhshme, 2018/19 dhe 2019/2020.

-Advertisement-

Sipas informacioneve që posedon gazeta, kompania në fjalë do t’i paguajë FFK-së rreth 550 mijë euro.

Në fakt, gara për dy kampionatet e ardhshme ka qenë e fortë.

Kjo pasi që pos “Digitalb” ka konkurruar edhe Klan Kosova me Art Motion.

Por, oferta e palës së dytë ka qenë më e vogël.

Kjo e fundit ka ofruar 340 mijë euro, rreth 200 mijë më pak se kompania fituese e të drejtave.

Së shpejti pritet që edhe Federata e Futbollit të Kosovës ta zyrtarizojë emrin.

Mbetet të shihet nëse FFK për dy edicionet e ardhshme do të shpërndajë paratë e të drejtave televizive në proporcion me interesin që zgjojnë klubet te tifozët.

Momentalisht, para nga të drejtat televizive marrin njëjtë si vendi i parë i Superligës, ashtu edhe ai i fundit. /Gazeta Olle/

 

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

sport