Sport

Klopp – Coutinho, deklaratë e papritur

Autori: Gazeta inFokus 19:32 | 15 September 2017

Trajneri i Liverpoolit, Jurgen Klopp, ka vendosur që ta lë anash inatin e krijuar nga ai po ashtu edhe tifozët në Philippe Coutinhon, që me ngulm kërkonte transferimin në “Camp Nou” te Barcelona.

Në fund, lojtari mbeti në “Anfield” dhe që nga mbyllja e afatit kalimtar ka zhvilluar vetëm pak minuta me klubin anglez. Ai u paraqit ndaj Sevillas në Ligën e Kampionëve.

Tifozët i dhuruan pritje të ngrohtë Coutinhos në “Anfield” dhe Kloppdalëngadalë dëshiron t’i japë brazilianit atë që i takon, vendin e titullarit në formacion.

-Advertisement-

“Kur filloni të luani, do të thotë se ju do të keni më shumë minuta kështu që ai duhet të jetë gati”, tha Klopp.

“Ishte fantastike mënyra se si e pritën tifozët. Asgjë nuk ishte e sigurt se çfarë do të ndodhte, kështu që është mirë për të”.

“Coutinho është stërvitur maksimalisht ditëve të fundit, është gati për lojë. Ndeshja në Champions e ndihmoj për të kapur ritmin pas pushimit të zgjatur”, shtoi Klopp.

Coutinho mund të jetë titullarë të shtunën ndaj Burnley.