Sport

Mourinho ka një mesazh për Ibrahimovic

Autori: Gazeta inFokus 15:45 | 13 September 2017

Jose Mourinho i ka bërë thirrje Zlatan Ibrahimovicit të ketë durim dhe të mos ngutet me rehabilitimin nga lëndimi serioz që e pësoi në gju.

Ibrahimovic pësoi dëmtim në ligament gjatë ndeshjes çerekfinale kundër Anderlecht sezonin e kaluar, i cili u duk se i dha fund qëndrimit të tij në “Old Trafford”, transmeton Express.

Por, më 24 gusht United njoftoi se Ibra ka nënshkruar marrëveshje me klubin për edhe një sezon tjetër.

E Mourinho dëshiron që Ibra të mos ngutet.

-Advertisement-

“Mendoj që kemi nevojë për të. Do të presim për të me durim. Edhe ai duhet të ketë durim”, ka thënë Mourinho.

Po ashtu, trajneri portugez e ka paralajmëruar sulmuesin suedez mos të bëjë gjëra të çmendura.

“Ai nuk duhet të emocionohet dhe nuk duhet të tentojë të bëjë gjëra të çmendura për t’u përmirësuar [rikuperuar] më shpejt. Ia njoh dëshirën që ka për t’u përmirësuar shpejt. Por, dua që ai të qetësohet dhe t’i bëjë gjërat hap pas hapi. E dua në gjendjen më të mirë të mundshme”, ka shtuar Mou.

Subscribe në YouTube: GAZETA INFOKUSI