Sport

Zyrtare: Këta janë katër kapitenët e Realit, dy lojtarë të akademisë promovohen në ekipin e parë (Foto)

Autori: Gazeta inFokus 15:41 | 11 September 2017

Achraf Hakimi dhe Luca Zidane edhe zyrtarisht janë pjesë e ekipit të parë të Real Madridit.

Real Madridi ka bërë foton zyrtare gjatë ditës së sotme për sezonin 2017/18.

Numri një i klubit, Florentino Perez, u fotografua me skuadrën që do të luftojë për gjithë titujt e mundshëm këtë sezon.

Tashmë flitej për Achraf Hakimi dhe Luca Zidane se do të promovohen në ekipin e parë dhe kjo tani është edhe zyrtare, pas fotografisë së Perez me dy lojtarët e akademisë (Real Madrid Castillas).

-Advertisement-

Luca, djali i Zinedine Zidane, do të jetë portier i tretë, derisa Achraf do të jetë zëvendësues i Dani Carvajal, pas largimit të Danilos.

Reali ka prezantuar edhe kapitenët: Ramos është kapiten i parë, Marcelo i dytë. Ronaldo do të jetë kapiten i tretë, derisa Benzema kapiten i katërt.

Kujtojmë se në skuadër Reali ka kthyer edhe tre lojtarë tjerë, dy prej tyre të akademisë: Borja Mayoral (sulmues) dhe Marcos Llorene (mesfushor) si dhe të transferuarin dy vite me parë, Jesus Vallejo (qendërmbrojtës).

Ndërsa ka transferuar për 26 milionë euro Theo Hernandez (mbrojtës i majtë) dhe për 18 milionë Dani Ceballos (mesfushor). /Gazeta Express/