Lajme

Aksident në aksin rrugor Lushnjë-Rrogozhinë, humb jetën 75-vjeçari

Autori: Gazeta inFokus 14:05 | 11 September 2017

Një person ka humbur jetën në një aksident të ndodhur ditën e sotme në aksin rrugor Lushnjë-Rrogozhinë. Mësohet se ai ka qenë duke kaluar rrugën rreth orës 12:15, pranë fshatit Konjat, kur është përplasur rëndë nga një mjet tip “Toyota”.

Ende nuk dihen shkaqet dhe rrethanat e aksidentit, ndërsa policia e mbërritur në vendngjarje ka nisur hetimet.

Njoftimi i Policisë:

-Advertisement-

Në datën 11.09.2017, rreth orës 12:15, në aksin rrugor Lushnje-Rrogozhinë, në fshatin Konjat, mjeti tip “Toyota”, me targa AA 347 NO, me drejtues shtetasin Olsion Koçiu, 22 vjeç, banues në Berat, ka përplasur një kalimtar rreth 75 vjeç, i cili është dërguar në spitalin e Lushnjes në gjendje të rëndë dhe më pas ka ndërruar jetë.

Drejtuesi i mjetit është shoqëruar në Komisariatin e Policisë Lushnje dhe po kryhen veprimet proceduriale. Grupi hetimor po punon për identifikimin e viktimës dhe zbardhjen e plotë të rrethanave të ngjarjes.

Subscribe në YouTube: GAZETA INFOKUSI