Lajme

Ivanoviq: Marrëveshja me Prishtinën e mundur vetëm kur hyjmë në BE

Autori: Gazeta inFokus 14:42 | 28 August 2017

Kryetari i Iniciativës Qytetare Serbe, SDP Oliver Ivanoviq ka vlerësuar se dialogu i brendshëm për Kosovën është çështja më e rëndësishme për serbët.

Marrëveshja me shqiptarët, tha ai, do të jetë e mundur vetëm pas hyrjes së Serbisë në Bashkimin Evropian.

Politikani serb në një intervistë për televizionin N1 kujtoi se ai mbështeti idenë e Presidentit Aleksandar Vuçiq për dialogun e brendshëm mbi Kosovën dhe i kërkoi atij që të jetë më këmbëngulës sesa paraardhësit e tij Boris Tadiç dhe Vojislav Koshtunica, transmeton Klan Kosova.

-Advertisement-

“Dy të parët nuk ishin këmbëngulës. Kjo nuk është e mirë. Duhet të kishit gjithë kohën në këtë botë, është çështje e gjithçkaje-nga identiteti, deri tek çështja e së ardhmes sonë. Vuçiq duhet të hapë debate serioze”, tha ai.

Udhëheqësi i SDP rikujton se në vitin 2006 ai propozoi një model qipriot për Kosovën, jo si një model statusi, por si model i zgjidhjes së konfliktit.

Sipas tij, nuk bëhet fjalë për një “konflikt të ngrirë”, siç pretendohet nga Presidenti Vuçiq, duke shtuar se një model i tillë, përveç në rastin e Qipros, në BE është aplikuar edhe në rastin e Mbretërisë së Bashkuar – dmth. si Qipro që është pranuar në anëtarësim me status të pazgjidhur të pjesës veriore të ishullit, ashtu edhe Britania është bërë anëtare e BE-së, derisa çështja e Irlandës së Veriut ende nuk ka qenë e zgjidhur.

Prandaj, Ivanoviq beson se Serbia duhet gjithashtu që në BE të pranohet si një vend gjithëpërfshirës, së bashku me Kosovën, transmeton Klan Kosova.

Subscribe në YouTube: GAZETA INFOKUSI