Lajme

Mikullovci s’e di datën e seancës

Autori: Gazeta inFokus 08:10 | 28 August 2017

Kryesuesi i seancës konstituive të Kuvendit, Adem Mikullovci, ende nuk e di datën se kur do të mbahet seanca e radhës e legjislativit, pas dështimit të gjashtë me radhë të koalicionit PAN që ta zgjedhë kryeparlamentarin, shkruan sot Gazeta “Zëri”.

Të enjten e kaluar nënkryetari i PDK-së, Enver Hoxhaj, në seancën e Kuvendit ka pranuar se koalicioni PAN nuk i ka numrat për ta zgjedhur kryeparlamentarin dhe ka kërkuar afat shtesë, siç ka thënë ai, më shumë se dhjetë ditë dhe më pak se dy javë.

“Edhe unë jam në pritje të mbajtjes së seancë së radhës, sikur të gjithë qytetarët e Kosovës e si të gjithë deputetët. Nuk  e di se çfarë po ndodh”, ka thënë për “Zërin” Mikullovci.

-Advertisement-

 

Deputeti i lëvizjes “Vetëvendosje” nuk është shumë i sigurt në konsistencën politike të Behgjet Pacollit, pasi që, siç thotë ai, ky i fundit mund “ të luhatet dhe t’i bashkohet PAN-it”.

“Behgjet Pacolli mundet të luhatet, ai edhe mund t’i bashkohet PAN-it. Do të pres deri të vendosin partitë se kur të thirret seanca e radhës”, u shpreh Mikullovci.

I pyetur për një takim konsultativ të mundshëm mes përfaqësuesve të partive politike, ai ka thënë se nuk e sheh të nevojshëm, pasi që është hera e tretë që po thirret pa ndonjë rezultat konkret

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy