Lajme

KMDLNJ: Sulmi ndaj gazetarit është sulm ndaj fjalës së lirë

Autori: Gazeta inFokus 09:48 | 17 August 2017

Këshilli për Mbrojtjen e të Drejtave dhe Lirive të Njeriut ka reaguar për sulmin fizik ndaj gazetarit Parim Olluri, duke thënë se sulmi ndaj gazetarëve është sulm ndaj fjalës së lirë.

Këshilli për Mbrojtjen e të Drejtave e të Lirive të Njeriut në Prishtinë e dënon ashpër sulmin ndaj gazetarit Parim Olluri duke e konsideruar si përpjekje të dhunshme kundër lirisë së shprehjes, qëndrimit kritik kundër dukurive negative përmes frikësimit të gazetarëve të mediave elektronike dhe të shkruara, përpjekja për kufizim të lirisë së fjalës përmes frikësimit dhe sulmeve fizike ndaj gazetarëve është rruga drejt anarkisë dhe suspendim të ligjeve në fuqi.

“Persona të paidentifikuar, në mbrëmjen e datës 16 gusht 2017, në rrugën ‘Bajram Kelmendi’, rrugë shumë e frekuentuar sulmuan gazetarin e portalit ‘Insajder’, z. arim Olluri duke i shkaktuar lëndime pas së cilave u trajtua në QKUK. Gazetari Olluri ishte bashkë me gruan e tij kur në ora 22.00 u sulmua, duke i shkaktuar lëndime trupore. Nga tronditja dhe frika gruaja e gazetarit Olluri humbi vetëdijen. Po të njëjtën ditë u sulmua me mjete të forta U.D së Drejtorit të SHKK, z. Sokol Zogaj që ende po trajtohet në QKUK”, thuhet në reagim e KMDLNj-së.

-Advertisement-

KMDLNj kërkon hetime të shpejta dhe dënim për ata që sulmuan gazetarin Olluri ndryshe, me pengimin e punëve të gazetarëve po kontribuohet në kufizimin e lirisë së shprehjes, informim selektiv dhe krijimin e një opinioni që është në kundërshtim të plotë me të drejtat e njeriut, lirisë së fjalës, lirisë së shprehjes.

KMDLNj e vlerëson se ndikimi i politikës dhe ndërhyrja e saj në të gjitha sferat e jetës po ndikon shumë në përshkallëzimin e situatës të cilës po i paraprinë një terrorizimi verbal, linçim publik e që po përfundon me sulm fizik dhe rrezikim të jetës të personave të shenjestruar që në një mënyrë apo tjetër po paraqesin pengesë për politikanët apo grupet kriminale të interesit.

Kujtojmë se Olluri është sulmuar mbrëmë rreth orës 22:00 derisa ishte duke shkuar në apartamentin e tij në Prishtinë.

Bashkë me Ollurin ishte edhe bashkëshortja e tij,  që të dy kanë marr ndihmën e parë në QKUK-Emergjencë.

Olluri sulmin ndaj tij e ka lidhur me shkrimet e botuar në mediumin ku punon.

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme