Lajme

Të huajt e pasur e blejnë lejen e qëndrimit “B”

Autori: Gazeta inFokus 15:42 | 26 July 2017

Shumë pak i njohur, një nen i Ligjit për të Huajt u mundëson të huajve të pasur që të përfitojnë nga përjashtime të veçanta, njofton albinfo.ch.

Në Zvicër, të pasurit e huaj, qoftë nga Evropa ose diku tjetër, mund të blejnë lejen e qëndrimit “B”. Jini të gatshëm të paguani një shumë prej 50.000 frangash zvicerane dhe keni një xhirollogari në bankë mjaft të madhe, atëherë ju jeni interesant për autoritetet kantonale tatimore, gjë që do t’ju mundësojë të merrni në mënyrë më të lehtë lejen e shumëçmuar, rikujton në shkrimin e saj gazeta gjermanofolëse “Aargauer Zeitung” në edicionin e saj të së premtes.

“Është e mundur të heqim dorë nga kushtet e kërkesës për pranim” në rast të “përfitimit të madh të popullsisë zvicerane”. Ky fakt është i shënuar në nenin 30, paragrafi b i Ligjit Federal për të  Huajt. Logjikisht, kjo do të thotë se në qoftë se ata dëshirojnë, mund të aplikojnë për një leje C pas pesë vjetësh qëndrimi, siç kërkohet nga ligji, pra të kenë mundësi të qëndrojnë për gjithmonë në Zvicër.

-Advertisement-

Në tërësi, raporton albinfo.ch, 523 të huaj kanë përfituar nga këto kushte të veçanta në fund të vitit 2016. Ata që përfitojnë më shumë nga këto përjashtime janë rusët, me 165 përfitues, të ndjekur nga shtetasit  turq (36), amerikanë (21), kanadezë (20),brazilianë (17), serbë (16) dhe ukrainas (15).

Vetëm Appenzell dhe Solothurn nuk e kanë përdorur kurrë këtë mundësi. Ticino është kantoni që ka përdorur më së shumti këtë ligj, duke bërë 200 përjashtime, e ndjekur nga Gjeneva (91) dhe Cyrihu (41). Kantoni i Vaud-it ka tridhjetë raste të regjistruara.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy