Lajme

Gara në PD, zbulohet ora kur do të votojë Basha, Selami dhe Berisha

Autori: Gazeta inFokus 09:47 | 22 July 2017

Kreu aktual i PD, Lulzim Basha që kërkon një tjetër mandat katër vjeçar nga demokratet do të votojë sot në orën 11:00, nje orë pas rivalit të tij, Eduard Selami. Basha do të votojë në selinë e Partisë Demokratike në orën 11:00, një orë pasi të ketë votuar Selami.

Selami është parë që mëngjesin e sotëm në seli, teksa ndiqte nga afër procesin e votimit, Basha pritet të mbërrijë në seli para se të hedhë votën e tij. Selia qendrore e Partisë Demokratike në Tiranë do të jetë qendra kryesore e votimit. Në bazë të udhëzimit të nxjerrë nga Komisioni i Administrimit Zgjedhor në PD, në selinë qendrore të selisë së PD në Tiranë do të votojnë përfaqësuesit e organeve më të larta në Partinë Demokratike.

Sipas këtij udhëzimi, selia qendrore e PD-së në Tiranë do të jetë qendra e votimit për të gjithë anëtarët e degës 2 në Tiranë, por veç tyre, në këtë seli do të votojnë edhe të gjithë anëtarët e zgjedhur në Këshillin Kombëtar të PD-së. Në selinë qendrore të PD-së do të votojnë gjithashtu edhe anëtarët e kryesisë së Partisë Demokratike.

-Advertisement-

Udhëzimi i nxjerrë nga Komisioni i Administrimit Zgjedhor sqaron se në seli do të votojnë edhe deputetët aktualë të PD-së, të cilët do të vijojnë të kenë mandat deri në shtator, por edhe deputetët e rinj të dalë nga zgjedhjet e 25 qershorit. Në këtë mënyrë, në selinë qendrore do të votojnë dy kandidatët në garë për kryetar, Basha dhe Selami, por edhe personalitete të larta të Partisë Demokratike.

Me interes pritet të jetë votimi dhe qëndrimi që do të mbajë ish-kryeministri Sali Berisha, i cili gjatë gjithë zhvillimit të garës nuk është shprehur për asnjë nga kandidatët. Berisha ka kërkuar të jetë neutral në një garë ku shumë ishbashkëpunëtorë të tij i kanë kërkuar të ndërhyjë për të ndalur garën dhe për të mos lejuar atë që ata vetë e kanë cilësuar si farsë zgjedhore.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy