Lajme

Shkrumbohet magazina, shkak pakujdesia e punonjësit të furrës së bukës

Autori: Gazeta inFokus 09:18 | 14 July 2017

Gjatë orëve të para të mëngjesit të sotëm është djegur një magazinë me ambalazhe. Ngjarja ka ndodhur në qytetin e Gjirokastrës.

Bëhet e ditur se zjarri i rënë rreth orës 4 të mëngjesit ka përfshirë edhe një furrë buke që fatmirësisht është mundur të shpëtohet nga ndërhyrja e zjarrfikësve.

Policia ka deklaruar se shkak i zjarrit ka qenë pakujdesia e punonjësit të furrës. Nga të dhënat paraprake thuhet se era ka përcjellë në stivën e druve shkëndijat e prushit të nxjerra jashtë pas ndërrimit të zjarrit të furrës duke përfshirë jo vetëm stivën me dru, por edhe magazinën në krah, pikë shumice ambalazhimi dhe baletash druri.

-Advertisement-

“Ndërhyrja në kohë e zjarrfikësve dhe Policisë së Shtetit ka ndihmuar në shmangien e zjarrit në magazinat e tjera dhe kamionët e parkuar në vend. Në operacionin e shuarjes së zjarrit morën pjesë 8 efektivë zjarrfikës”, thuhet në njoftimin e policisë.