Lajme

Në kundërshtim me ligjin, kompensohen zyrtarët për borde dhe komisione

Autori: Gazeta inFokus 09:01 | 12 July 2017

Ani pse ligjërisht nuk është e lejueshme, Minisria e Shëndetësisë ka ka kompensuar zyrtarët e saj për pjesëmarrje në borde dhe komisione.

“MSh vazhdon t’i kompensoj zyrtarët e saj për angazhime në borde dhe komisione, në kundërshtim me nenin 80 të LMFPP-së” thuhet në raportin e Auditorit, shkruan Indeksonline.

Kompensimi I ka kushtuar mjaft buxhetit, ku 369 mijë euro janë shpenzuar për këto pagesa që janë në kundërshtim me nen 80 të Ligjit për Menaxhimin e Financave Publike dhe Përgjegjësitë, shkruan Indeksonline.

-Advertisement-

“Pagesat për borde dhe komisione në MSh për vitin 2016 (përfshirë edhe dhjetorin 2015) ishin në vlerën prej 390,385€” thuhet në raportin e Auditorit.

Pagesat për borde dhe komisione për zyrtarët specifik janë në kundërshtim me legjislacionin në fuqi pasi që nuk lejohet pjesëmarrja në më shumë së një bord apo komision.

Mirëpo, sipas ZKA-së, “ Në MSH edhe më tej vazhdon të përsëritet pjesëmarrja e zyrtarëve të njëjtë në më shumë së një komision apo bord” shkruan Indeksonline.

ZKA  thotë se kjo mund të shkaktojë pagesa të parregullta dhe dëmtim eventual të buxhetit.

Përveç kësaj, sipas tyre, angazhimi në borde/komisione gjatë orarit të punës rrit rrezikun që zyrtarët të mos i kryejnë obligimet e tyre ditore si rezultat i angazhimit në detyra tjera./Indeksonline

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme