Lajme

Korrupsioni në Kosovë mbetet në nivelin e lartë

Autori: Gazeta inFokus 12:40 | 10 July 2017

Misioni i OSBE-së në Kosovë, në bashkëpunim me Qeverinë gjermane kanë lansuar sot projektin e dytë për fuqizimin e kapacitetit të institucioneve të Kosovës në luftimin e korrupsionit të lartë “Zhvillimi i kapaciteteve të agjencive të Kosovës dhe të Prokurorisë Speciale për ta luftuar korrupsionin e nivelit të lartë”.

Ambasadorja e Gjermanisë në Kosovë  Angelika Viets, tha se korrupsioni i nivelit të lartë vazhdon të mbetet një nga problemet kryesore të Kosovës.“ Luftimi i korrupsionit është një betejë e mundimshme dhe kërkon vullnet të fort të palëkundur politik për ta luftuar. Hetuesit dhe prokurorët duhet të mbesin të pavarur dhe të ndjekin rastet”. Sipas saj, institucionet e Kosovës duhet të jenë vigjilente dhe të tregojnë se askush nuk është mbi ligjin.

Shefi i misionit të OSBE-së, Jan Braathu, tha se luftimi i korrupsionit është një kriter i mbetur që duhet të zgjidhet që të ndodh liberalizimi i vizave. Ai tha se korrupsioni i nivelit të lartë identifikohet si një çështje kyçe dhe se është një çështje e vështirë  për t’u trajtuar, prandaj janë  këtu për t’u  ndihmuar për ta luftuar korrupsionin.   Sipas tij një element kyç për luftimin e korrupsionit është konfiskimi i pasurisë i fituar në mënyrë të jashtëligjshme.

-Advertisement-

Zëvendësdrejtori i përgjithshëm i Policisë së Kosovës, Naim Rexha, zotohem në emrin e të gjithë emrin e kolegëve të mi se do të vazhdojmë punë me të gjithë ata që janë kompetent për ta luftuar dukurinë e korrupsionit të lartë. Prokurori special  Sylë Hoxha, tha se  janë të fokusuar në luftimin e krimit ekonomik dhe atë të nivelit të lartë. Drejtori i Agjencisë anti-korrupsion, Shaip Havolli, tha se ka zyrtarë të lartë politikë të cilëve çdo ditë u rritet pasuria dhe është Agjencia që duhet ta hetojë  se nga i kanë ardhur ajo pasuri. Ai tha  se agjencia përveç që do të fokusohet tek pasuria prioritet do të ketë edhe luftimin e korrupsionit.

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme