Sport

⚽ Sanchez kërkon rrogë marramendëse nga Arsenali (Foto)

Autori: Gazeta inFokus 14:50 | 06 July 2017

Alexis Sanchez po kërkon pagë të majme për të vazhduar kontratën me Arsenalin.

E ardhmja e Alexis Sanchezit po vazhdon të mbetet enigmë. Kiliani ka kontratë me Arsenalin deri në vitin 2018, por deri më tani ka hezituar ta vazhdoj kontratën.

Kjo ka bërë që të shtohen spekulimet për largimin e Sanchezit nga Arsenali gjatë kësaj vere. Por, sipas tabloidit britanik, Daily Mirror, ish sulmuesi i Barcelonës është i gatshëm të mbetet në Arsenal, por me një kusht.

Ai ka kërkuar nga klubi një pagë prej 400 mijë funteve në javë (455 mijë euro në javë) ose 22 milion euro në vit. Sanchez aktualisht paguhet 125 mijë funte në javë (142 mijë euro) ose rreth 7 milionë euro në sezon, përcjell Express.

-Advertisement-

Mbetet të shihet nëse Arsenali do ta pranoj kërkesën e Sanchezit, apo do ta shes gjatë kësaj vere. Manchester City, Inter, Juvetnus e Bayern Munich janë të gatshme ta transferojnë kilianin.