Lifestyle

Princ Harry: Askush në familje nuk ka dëshirë të bëhet mbret e mbretëreshë

Autori: Gazeta inFokus 09:43 | 22 June 2017

Princ Harry ka thënë se asnjë anëtar i familjes mbretërore të Britanisë së Madhe nuk dëshiron të jetë mbret apo mbretëreshë.

Në një intervistë për revistën amerikane “Newsweek”, Harry ka insistuar se Britania dhe shtetet tjera ende kanë nevojë për “magjinë” e monarkisë.

32-vjeçari në këtë intervistë ka kritikuar vendimin e familjes që ai të qëndrojë prapa arkivolit të nënës së tij.

-Advertisement-

“Asnjë fëmijë nuk duhet ta bëjë atë”, ka thënë Harry në këtë intervistë, transmeton Koha.net.

“A është dikush i familjes mbretërore që dëshiron të jetë mbret apo mbretëreshë? Nuk mendoj se po, por ne do të vazhdojmë të kryejmë detyrat në kohën e duhur”.

Harry asnjëherë nuk e ka mbajtur sekret se nuk dëshiron postin më të lartë në monarki dhe tani ka konfirmuar se askush në familjen e tij, përfshirë edhe vëllanë Williamin, nuk dëshiron të jetë mbret apo mbretëreshë.

“Monarkia është forcë për të mirë dhe ne duam që të vazhdojmë atmosferën pozitive që Mbretëresha e ka arritur për 60 vjet, por ne nuk duam që të jemi në vend të saj. Jemi të përfshirë në modernizimin e monarkisë britanike. Nuk po e bëjmë këtë për vete, por për një punë më të mirë për njerëzit”, ka shtuar Harry.