Lajme

Merkel nuk heq dorë nga marrëveshja Evropë-SHBA

Autori: Gazeta inFokus 13:01 | 20 June 2017

Kancelarja gjermane, Angela Merkel ka shprehur sot gatishmërinë për të biseduar në lidhje me idetë për reformën e eurozonës, të cilën e ka propozuar presidenti francez Emmanuel Macron.

“Kohezioni evropian ndërmjet vendeve të eurozonës nuk është i kënaqshëm”, ka thënë Merkel në një takim të industrialistëve në Berlin. Ajo ka shtuar se mund të mendohet për ministrin e përbashkët të financave ose edhe për buxhetin e eurozonës nëse kushtet bazë do të jenë të përmbushura.

Merkel tha se nuk do të heqë dorë nga marrëveshja për tregti të lirë ndërmjet Evropës dhe SHBA-ve. “Do të angazhohem që të shkohet përpara sa i përket kësaj çështjeje”, ka thënë ajo. Ndryshe, samiti i G20 i vendeve më të industrializuara të botës do të mbahet më 7 dhe 8 korrik në Hamburg.

-Advertisement-