Lajme

Haziri tregon sa a i ka heqë LDK vijat e kuqe për PDK-në

Autori: Gazeta inFokus 20:48 | 19 June 2017

Ndonëse ka kaluar një javë prej zgjedhjeve të 11 qershorit, ende nuk ka asnjë marrëveshje mes partive për ndonjë koalicion paszgjedhor.

Koalicioni parazgjedhor PAN, edhe pse ka dalë fitues i këtyre zgjedhjeve me 39 deputet në Kuvendin e Kosovës, ai nuk ka arritur që të sigurojë ulëse të mjaftueshme në Kuvend që të formojë Qeverinë e ardhshme përfshirë këtu edhe votat e pakicave.

E, mediat sot duke iu referuar një deklaratë të Haki Rugovës se LDK-së kanë raportuar se LDK po i heq vijat e kuqe për PDK-në.

-Advertisement-

Por, i kontaktuar nga ‘Indeksonline’, nënkryetari i Lidhjes Demokratike, Lufti Haziri ka thënë se me PDK-në nuk do të ketë asnjë lloj bashkëpunimi.
Haziri madje tha se LDK nuk do të bie pre as e presionit ndërkombëtar për formimin e Qeverisë me PAN.

“Ne kemi thënë dhe kemi vendos edhe e konfirmojmë përsëri se me PDK asnjë formë bashkëpunimi nuk na lidh. As me ndërmjetësim ndërkombëtar as në asnjë situatë, me kryetarin e PDK-së edhe kryesinë e PDK-së nuk dëshirojmë në asnjë formë me e diskutu për bashkëpunim”, tha Haziri.

Sipas Hazirit deri sa të dalin rezultatet nga KQZ, LDK nuk do të ketë asnjë ndryshim për koalicione të ardhshme.

Tutje, nënkryetari i LDK-së tha se vetëm kjo parti e ka çelësin e artë për formimin e qeverisë, e njëkohësisht edhe për stabilitetin vendit.

“LDK e ka çelësin e artë në dorë dhe jemi totalisht sikur kemi qenë që 28 vite faktori kryesor i stabilitetit dhe faktori kryesor i ndërtimit të shtetit” shtoi Haziri.

I pyetur, nëse ka ndonjë mundësi bashkëpunimi mes LDK-së dhe Vetëvendosjes, Haziri tha se deri në çertifikimin e rezultateve nuk do të ketë bashkëpunim me asnjë parti, përfshirë këtu edhe Vetëvendosjen.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy