Kandidati për deputet nga Vetëvendosje, Fisnik Ismaili, përmes një postimi në rrjetin social “facebook” ka falënderuar votuesit e tij.

Ismaili është zotuar se puna që do të bëjë për votuesit dhe të gjithë qytetarët e vendit do të jetë falënderimi më i madh, transmeton Infokusi.com

Ai ka thënë gjithashtu se në këto zgjedhje Vetëvendosje është dyfishuar e bashkë me të edhe votuesit e tij ka shtuar Ismaili.

-Advertisement-

Postimin e plotë të Ismailit mund ta gjeni më poshtë:

“Erdhi ai momenti që po due me iu falënderue krejt atyne njerëzve të mirë që e votuen Lëvizjen, e në veçanti atyne që e lypën FI51 në listë edhe e shënjuen #meZemër, por s’po di qysh me ia nisë, aq shumë që jam prekë e emocionue tash e një javë.

Nuk e di se qysh ndjehen të tjerët, por për mue secila votë ka randësi të veçantë, sepse është votë e vërtetë. Votë, të cilën ti ma ke besue. Votë, të cilën s’ma ka qitë goja me ta lypë, por ti prapëseprapë ke besue se e meritoj. Votë, numrin e të cilës e ke mbajtë në mend, sepse ke besue se kam me të përfaqësue në Kuvend, me qeto të mirat e të metat që i kam, pak i huqt, pak i fëlliqt, por gjithmonë me zemër plot për të mirën e vendit ku po jetojmë, e me shpirt kundërshtar i së keqes.

Lëvizjen e keni rritë dyfish. Me të më keni rritë edhe mue pothuejse dyfish prej herës së kalueme. Prandej, përgjegjësia jonë ndaj juve na u ka rritë qindfish, sepse tash jemi të parët. Krejt shpresat, e krejt sytë janë të drejtuem kah këta 31 a 2 veta që duhemi me e zbardhë Kuvendin e Kosovës, sepse për këtë jemi zotue me mendje, e jemi betue me zemër.

E unë po të premtoj se kam me e ba ma të mirën të mundshme për me të përfaqësue jo vetëm ty që ma besove këtë detyrë, por secilin qytetar të këtij vendi, i cili po e do një jetë ma të mirë, e që ndoshta as Lëvizjen nuk e voton.

S’po premtoj se kam me qenë i pagabueshëm, sepse s’ka njeri në botë që punon e nuk gabon. Por, kam me mësue prej gabimeve të mia, sikur çdo herë tjetër që kam mësue. E prej teje krejt çka po kërkoj është me pasë pak durim. Të këqijat që i ka përjetue kjo Kosovë për 18 vjet nuk rregullohen shpejt, por që munden me u rregullue, e kemi dëshmue qe gati 4 vjet në Prishtinë, e nuk kemi me ju zhgënjye tash e tutje as jashtë saj.

S’po di a ishte ky falënderim i mjaftueshëm, por falënderimin ma të madh tash e kam për detyrë me ta dhanë me punë, të cilën kam me e ba me shumë dashni!”/INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-