Ekonomi

Veriu i Kosovës edhe ujin falas

Autori: Gazeta inFokus 11:59 | 16 June 2017

Për ndryshim nga energjia elektrike shpenzimet e së cilës u faturohen qytetarëve të Kosovës, për ujin që shpenzojnë serbët e veriut të Kosovës paguan Qeveria e Kosovës. Kryetari i Mitrovicës së Veriut, Goran Rakiq, ka pranuar se veriu ka borxh për ujë 9 milionë euro, të cilat sipas tij do t’i paguajë BE-ja.

Përveç energjisë elektrike serbët e komunave veriore të Kosovës edhe ujin e kanë falas, pasi që për ta paguan Qeveria e Kosovës, ndonëse vetëm rreth 10 për qind të borxhit. Pos kësaj ujësjellësi rajonal “Mitrovica” ua dërguan ujin komunave Veriu i Mitrovicës dhe Zveçan me çmime shumë më të ulëta se që u faturohen shqiptarëve në jug, shkruan Zëri.

Kompania ujësjellësi rajonal “Mitrovica” u dërgon ujin rregullisht, por faturimin ia adreson Qeverisë së Kosovës për subvencionim. E ndërkaq shqiptarët e veriut të Kosovës të paktën për mospagesën e shpenzimeve të energjisë elektrike dhe të ujit janë të barabartë me serbët e asaj pjese, ndonëse drejtuesit e ndërmarrjes komunale shërbyese “Ibar” në veri të Mitrovicës janë përpjekur t’ua faturojë shqiptarëve ujin e harxhuar, sikurse që është përpjekur disa herë edhe kompania serbe për furnizim me energji elektrike “Elekstrokosmet”, por nuk ka arritur asnjëherë që ta mbledhë asnjë cent të borxheve.

-Advertisement-

Veriu i Mitrovicës dhe Zveçani i kanë borxh shtetit të Kosovës 12 milionë euro për ujin e shpenzuar, i cili nuk u faturohet fare shpenzuesve në veri të Kosovës.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

ekonomi