Lajme

Bajrami mban në bankë 200 mijë euro por i ka borxh mbi 146 mijë euro

Autori: Gazeta inFokus 16:45 | 15 June 2017

Ministri në detyrë i Arsimit, Arsim Bajrami, ka deklaruar në Agjencinë kundërKorrupsion si para të gatshme që i mban në institucione bankare afër 200 mijë euro, kurse, ka borxh kredie në vlerë mbi 146 mijë euro.

Bajrami në deklarimin e pasurisë në Agjencinë Kundërkorrupsion ka deklaruar si borxh kredin familjare në vlerë prej 144,000.00 eurove. Ai ka njoftuar se kredinë e ka marrë në vitin 2008 dhe do ta përfundojë në vitin 2018. Pastaj, një borxh në kartelat bankare në vlerë 2,000 dhe tjetrën në vlerë 250.00 euro.

Ai ka deklaruar një shtëpi, ndërtim familjar nga të ardhurat, kursimet dhe kreditë personale dhe familjare në vlerë 250 mijë euro, si dhe një banesë, investim i bashkëshortes në vlerë 30 mijë euro. Kurse, veturën e ka në vlerë 7,900 euro.

-Advertisement-