Lajme

Mustafa: Nuk jam penduar për koalicionin me PDK-në

Autori: Gazeta inFokus 11:19 | 09 June 2017

Kryetari i Lidhjes Demokratike të Kosovës, Isa Mustafa, përmes një statusi ka bërë të ditur se nuk është penduar për koalicionin e vitit 2014 me PDK-në.

Ai ka shtuar se për këtë koalicion është penduar PDK-ja dhe kryetari i saj, transmeton infokusi.com

Ai gjithashtu ka sqaruar edhe mos kandidimin për kryeministër dhe deputet duke thënë se me iniciativën e tij është diskutuar një listë më e gjerë e kandidatëve për deputet nga LDK.

-Advertisement-

Ai ka thënë po ashtu se e vetmja çështje që nuk u përfundua gjatë qeverisës së tij është liberalizimi i vizave, transmeton infokusi.com

Postimin e plotë të Musfatës bërë në rrjetin social “facebook” mund ta gjeni më poshtë:

“Të dashur miq,

Unë nuk jam penduar për koalicionin e vitit 2014 me PDK-në. Prandaj gënjejnë ata që hapjen e rrugës për njerëz të rinj për Kryeministër dhe vendimin tim të mos kandidoj për deputet e shpjegojnë si akt moral për shkak të dështimit të koalicionit me PDK-në.

Për koalicionin u pendua PDK-ja dhe kryetari i saj e jo unë që respektova marrëveshjen.

Qeveria, të cilën e drejtova, arriti suksese të jashtëzakonshme në ekonomi, në punësim, në luftën kundër krimit dhe korrupsionit dhe në integrimet evropiane. Qeveri e pa korruptuar dhe e aftë.

E vetmja çështje që nuk u përfundua është liberalizimi i vizave, për të cilën përgjegjësinë e kanë ata që e kundërshtuan demarkacionin me Malin e Zi. Ata i lanë qytetarët pa liberalizim!

Për kandidat për Kryeministër, me iniciativën time, është diskutuar një listë më e gjerë, përfshirë nënkryetarë e LDK-së dhe z. Hoti dhe të gjitha strukturat janë pajtuar që kandidat yni në këto zgjedhje të jetë prof. Avdullah Hoti.

Personalisht kam vlerësuar se kandidati për Kryeministër duhet ti prij listës së deputetëve, prandaj si Kryetar i LDK-së kam konsideruar të mos garoj për deputet.

Opinionet tjera në debate televizive i konsideroj si nënshtrim para njerëzve që janë pjesë e ekipeve të koalicionit tjetër. IM”/INFOKUSI

Subscribe në YouTube: GAZETA INFOKUSI