Afati kalimtar i futbollistëve ende nuk ka filluar zyrtarisht, megjithëse shumë skuadra europiane tashmë kanë filluar të bëjnë lëvizjet e para.

Në vazhdim Gazetasheshi.com sjell disa nga transferimet e fundit, si dhe zërat për lëvizjet e mundshme:

Ora 13.37: Ederson Moraes edhe zyrtarisht portier i Manchester City-t

Manchester City tashmë ka bërë zyrtare një tjetër goditje në këtë afat kalimtar, derisa ka transferuar ‘gardianin’ e Benficës Ederson Moraes.

Ora 13.25: Milan dëshiron transferimin e James Rodriguez dhe Diego Costa-s

Siç raporton Sky Sport ekipi rosoner është mjaft e interesuar të nënshkruajë me yllin në largim tek Real Madrid, James Rodriguez dhe tashmë sulmuesin e larguar të Chelsea-s, Diego Costa-n. Kuq e zinjtë janë të gatshëm të ofrojnë mbi 100 milionë euro për këtë dyshe.

Ora 12.17: Inter po negocion me Las Palmas për huazimin e Gabigol

Neroazurrët duket se nuk janë aspak të kënaqur me rendimentin e ofruar nga sulmuesi brazilian Gabriel Barbosa apo ndryshe siç njihet ‘Gabigol’. Skuadra italiane ka negociuar sot me ekipin spanjoll Las Palmas për huazimin e tij për sezonin vijues.

Ora 11.49: Mbappe në Real Madrid vetëm nëse largohet Bale

Zidane dhe Florentino Perez tashmë kanë filluar të mendojnë për sezonin e ri. Mundësia e largimit të Gareth Bale drejt “Old Traford” i jep një mundësi sulmuesit të ri francez Mbappe për tu transferuar në “Santiago Bernabeu”.

Ora 11.38: Napoli dëshiron ta ‘rrëmbejë’ Suson

Sipas informacioneve të gazetës italiane “La Gazzeta dello Sport” ekipi i Napolit është e interesuar për shërbimet e mesfushorit të Milanit, Suso. Sezoni fantastik i kaluar me rosonerët ka bërë që shumë skuadra të zgjojnë interesim për të. Në disa mediume të tjera tashmë veçse është raportuar për nisjen e bisedimeve.

Ora 11.09: Wenger nuk planifikon shitjen e Sanchez

Tekniku francez Arsene Wenger është i vendosur për ta mbajtur edhe një sezonë në “Emirates” sulmuesin kilian Alexis Sanchez. Madje ai ka pranuar që ai të dalë me parametra 0 sezonin vijues, por nuk do pranon asesi shitjen e tij.

Ora 10.43: Mourinho kërkon Moratan

E ardhmja e Alvaro Moratas në Real Madrid duket ende e paqartë, ndërkohë që ish-trajneri i kësaj skuadre, Jose Mourinho, kërkon që ta transferojë sulmuesin spanjoll drejt “Old Trafordit”. Oferta e parë mësohet të jetë prej 60 milionë eurosh.

Ora 10.29: Borussia Dortmund kërkon 90 milionë euro për Dembelen

Drejtuesit e klubit gjerman janë të vendosur. Ekipet që janë të interesuara të fitojnë shërbimet e Dembeles duhet paguar hiç më pak se 90 milionë euro. Në të kundërtën ai qëndron në Dortmund.

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar