Lajme

U fsheh për 45 vite për një vrasje që e kreu, ja çka i ndodhi pas kaq kohësh (Video)

Autori: Gazeta inFokus 12:34 | 08 June 2017

Revolucionari i majtë, Masaaki Osaka është dënuar për vrasjen e një polici gjatë protestave në Tokio, 45 vite më parë.

Ai akuzohet se i ka vënë flakën policit me anë të një kokteji molotovi. Media japoneze raporton se asnjë i arratisur tjetër nuk ia ka dalë të qëndrojë në listën e të kërkuarve për kaq gjatë.

Sipas “BBC”, Osaka është arrestuar muajin e kaluar në Hiroshima, në një apartament që i përkiste Chukaku-ha, siç njihet ndryshe Liga Komuniste Revolucionare Japoneze (JRCL).

Të mërkurën ai u transportua nga Hiroshima në kryeqytetin Tokio, por mediat thonë se deri më tani ai nuk ka folur.

-Advertisement-

Por kjo nuk do ta shpëtojë pasi policia ia ka dalë të konfirmojë identitetin e tij nëpërmjet testeve të AND-së, përcjell tvklan.al.

Autoritetet thonë se Osaka ia ka dalë të mbesë në arrati për kaq shumë vite sepse duke mbajtur një pozicion të lartë në hierarkinë e grupit radikal JRCL, është ndihmuar shumë nga simpatizantë të grupit.

JRCL është themeluar në vitin 1950 ndërsa në vitet 1960 dhe 1970 fitoi reputacion për mbajtjen e protestave të dhunshme.

Osaka akuzohet se vrau një polic 21-vjeçar gjatë protestave në Shibuya të Tokios në vitin 1971, kur e goditi me një shufër hekuri para se t’i vinte flakën.

Atëbotë, JRCL protestonte kundër prezencës ushtarake amerikane në vend.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy