Lajme

Kapja e Prishtinës nga VV-ja, Kryeshefi i Ndërmarrjes Banesore kandidat për deputet

Autori: Gazeta inFokus 14:27 | 24 May 2017

Shumë herë Lëvizja Vetëvendosje ka akuzuar kundërshtarët politikë për politizim të Ndërmarrjeve Publike. Por, zgjedhjet e jashtëzakonshme që do të mbahen më 11 qershor nxorën se edhe kjo parti ka politizuar ndërmarrjet në Prishtinë të cilat i ka nën menaxhim si parti që udhëheq me kryeqytetin.

Lëvizja Vetëvendosje e “ç’kapi” kompaninë “Ndërmarrja Publike Banesore” nga LDK-ja e cila kishte udhëhequr me këtë kompani për disa vite për ta “kapur” vetë.

Kryshefi Ekzekutiv i NPB-së, Nexhat Kryeziu i cili kishte shkuar në këtë Ndërmarrje si njeri jo-partiak është në listën e VV-së për deputet, shkruan lajmi.net.

-Advertisement-

Në listën e kësaj partie është futur edhe kryesuesi i Bordit të Drejtorëve të NPB-së, Lazer Ndrecaj.

Nga kjo Ndërmarrje, në listë për deputete eshtë futur edhe Liridona Duli.

Lajmi.net ka mësuar se Duli, fillimisht ishte punësuar në NPB me kontratë për shërbime të veçanta (kontratë mbi vepër), ku ishte bërë asistente e Kryeshefit, Nexhat Kryeziu. Me pas, asaj i ishte rregulluar kontrata në të rregullt dhe kishte kaluar në sektorin e burimeve njerëzore.

Kujtojmë që kompletë menaxhmenti i Komunës së Prishtinës, duke përfshirë kryetarin dhe nënkryetarin janë futur në listë në garën për deputet. Ndërkohë, Komuna do të mbesë thuajse e mbyllur në çelës nga data 30 maj deri në 9 qershor për kaq kohë sa do të zgjasë fushata zgjedhore. /Lajmi.net/

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme