Sport

Dukagjini i Klinës synon këtë vit Superligën përmes Barazhit (FOTO)

Autori: Gazeta inFokus 22:51 | 18 May 2017

Dukagjini i Klinës vazhdon me rezultatet pozitive në Ligën e Parë dhe synimi i klinasve mbetet rikthimi në elitën e futbollit të Kosovës, shkruan Infokusi.com.

Skuadra nga Klina është vetëm një pike larg për të siguruar ndeshjen e barazhit për një rikthim ne Superligë që zgjati plot 14 vite, këtë fundjavë skuadra nga Klina luan kundër 2 Korrikut dhe një pik e vetme siguron ndeshjen e barazhit dhe ëndrrën e qytetarëve të Klinës për një rikthim në Superligë.

Pas rikthimit të Altin Merlaku dhe Granit Avdyli nga skuadra e Drenicës dhe ardhjes së Fatlum Gashit nga skuadra e Besës gjatë afatit kalimtar të janarit gjasat janë rritur shumë.

-Advertisement-

I rikthyeri nga skuadra e Drenicës në një prononcim për portalin Infokusi Altin Merlaku njëri nga sulmuesit më të mirë në Ligen e Parë tha se u rikthye tek Dukagjini që ta realizojë ëndrrën e tij dhe qytetarëve të Klinës për rikthim në Superligë dhe premtoj angazhim maksimal.

Skuadra e Dukagjinit njihet edhe për përkrahjen e madhe të tifo grupit të tyre “hithat” që i përkrahin në çdo ndeshje .

Në një prononcim për Infokusin njëri nga themeluesit e tifo grupit “hithat” Qendrim Bojaj tha se ka ardhur koha e rikthimit në Superligë dhe ne si tifo grup së bashku me qytetarët e Klinës do ta përkrahim në maksimum skuadrën drejt një ëndrre që po bëhet realitet pasi që kemi ekip që lufton e luan me krenari për këtë fanellë./INFOKUSI/