Sport

Coutinho ndihem mirë ne Liverpoolin,

Autori: Gazeta inFokus 12:42 | 15 May 2017

Philippe Coutinho i konsideron të lezetshme shkrimet në mediat që po e lidhin atë me Barcelonën, por insiston se është i përkushtuar plotësisht ndaj kontratës që ka me Liverpool.

Ylli brazilian bëri një shfaqje të mrekullueshme dje në ndeshje kundër West Ham, duke shënuar dy nga katër golat e të kuqve.

Barcelona është e interesuar për 24-vjeçarin, i cili ka thënë se edhe pse interesimi nga spanjollët është lajkatues, ai nuk ka qëllim që t’ia kthejë shpinën Liverpoolit.

“Barcelona është njëra nga ekipet më të mira në botë. Deri tani nuk ka asgjë sepse po të kishte, do të kishte ardhur te menaxheri im. Ajo çfarë unë duhet të bëj është të fokusohem në fushë,” ka thënë Coutinho për ESPN.

-Advertisement-

Ai ka thënë se është i lumtur që një klub i madh interesohet për të.

“Jam i lumtur që një klub i madh interesohet për mua, është e lezetshme. Ajo çfarë duhet të bëj është të vazhdoj të punoj,” ka shtuar ai.

“Liverpool është klub i madh dhe duhet ta kthejmë në Ligë të Kampionëve,” ka insistuar Countinho.

Fitorja e djeshme e vë Liverpoolin në pozitë shumë të mirë për të përfunduar në vendin e katërt në Premier League.