Sport

⚽️Simeone tregon se trajner i cilës skuadër do të jetë edicionin e ardhshëm

Autori: Gazeta inFokus 18:17 | 12 May 2017

Duket se Diego Simeone do të mbetet trajner i Atletico Madridit edhe edicionin e ardhshëm.

Kështu ka lënë të kuptohet trajneri argjentinas në konferencën për shtyp të mbajtur për turneun ‘AudiCup’, në të cilën marrim pjesë edhe Bayern Munich dhe Liverpool.

Simeone ka një kohë të gjatë që është i lidhur me një kalim te Interi, e sidomos ditëve të fundit ku skuadra italiane shkëputi kontratën me trajnerin Stefano Pioli.

I pyetur në lidhje me të ardhmen e tij, Simeone u përgjigj:” Ne po flasim për këtë turne, nëse gjërat shkojnë si duhet, unë do të jem trajner këtu. Ne do të shohim njëri-tjetrin shumë shpejtë në Gjermani”.

-Advertisement-

Simeone ka arritur sukses të madh te Atletico, duke e shndërruar në një skuadër konkurruese për Realin dhe Barcelonën në La Liga, ku ka arritur edhe të fitojë edhe një titull të kampionit.

Subscribe në YouTube: GAZETA INFOKUSI