Lajme

Kompania e zëvendëskryeministrit mbushë Kosovën dhe Shqipërinë me plazma ‘Bambi’ (FOTO)

Autori: Gazeta inFokus 10:59 | 05 May 2017

Derisa zëvendëskryeministri i Kosovës, Ramiz Kelmendi, po vazhdon vizitat tek bizneset në qytete të ndryshme të vendit, me ç‘rast po e potencon nevojën e rritjes së prodhimit vendor dhe zvogëlimin e importit nga Serbia, kompania e tij ‘Elkos Group’ po i distribuon produketet serbe jo vetëm në Kosovë, por edhe në tregun e Shqipërisë, raporton portali ‘Infokusi’.

Për më tepër, ‘Elkos Group’e  ka ekskluzivitetin për Kosovë dhe Shqipëri të prodhimeve të kompanisë ‘Bambi’ nga Pozharevci i Serbisë.

Portali ‘Infokusi’ ka arritur t’i siguroj paketimet e ‘Plazma keksave’ të kompanisë ‘Bambi’, të cilat po shiten në marketet e Kosovës, por dhe Shqipërisë, ku shkruan se distributor për këto dy shtete është ‘Elkos Group’.

-Advertisement-

Përndryshe, drejtues të partisë opozitare lëvizja ‘Vetëvendosje’ kanë bërë fushata të vazhdueshme për bojkotim të prodhimeve të Serbisë, me theks të veçant produktet e kompanisë ‘Bambi’.

Ata kanë akuzuar vazhdimisht zëvendëskryeministrin Ramiz Kelmendi se është importuesi kryesor i produkteve nga Serbia, por ai ka mohuar akuzat e tilla, duke thënë se vetëm pak prodhime serbe ka në marketet e tij. Megjithatë, realiteti është krejt ndryshe, pasi që  Serbia eksporton mallra në Kosovë brenda vitit në vlerë prej rreth 300 milionë euro, duke u rradhitur në krye të listës së shteteve me më së shumti eksport të mallrave në Kosovë. /INFOKUSI

 

 

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme