Lajme

Thaçi ndanë urdhrin ‘Hero i kombit’ për ish komandantin Jetë Hasani

Autori: Gazeta inFokus 15:52 | 04 May 2017

Presidenti i Republikës së Kosovës Hashim Thaçi ka ndarë dekoratën “ Urdhri Hero i Kombit” për Jetë Hasanin, Komandantin e njësive të para të UÇK-së në Shtime dhe veprimtarin e hershëm të çështjes kombëtare.

Urdhri i Presidentit të Republikës për Heroin Jetë Hasani ndahet në përkujtim të zbulimit të shtëpisë muze ku është vendosur Batalioni i dytë “Ruzhdi Salihu” –shtabi i batalionit i prirë nga Komandantët Jetë Hasani dhe Ramiz Çeriqi-Luani. Presidenti i Republikës së Kosovës  Hashim Thaçi ka vlerësuar lartë kontributin e themeluesit të UÇK-së, në Shtime dhe arsimdashësit Jetë Hasani.

Jetë Hasani ishte Komandanti i njësive të para të UÇK-së, në Komunën e Shtimes. Ai emrin e trashëgoi nga gjyshi i tij, i cili po ashtu ishte vrarë për kauzën kombëtare në luftën e NDSH.

-Advertisement-

Në momentet më kritike, kur nxënësit e shkollës së mesme “Naim Frashëri” në Shtime u larguan nga godina shkollore , Jetë Hasani me vet iniciativën e tij bleu truallin dhe ndërtoi me vet financim dy shtëpi për t’i bërë shkolla që me tre shtator 1995 të filloi mësimi në ato shkolla për gjashtë vite me rradhe.

Ai po ashtu për sigurinë e nxënësve u detyra që ta blinte edhe shtëpinë e një romi që ishte fqinje me shtëpitë shkolla që ishin në pronësi të familjes Hasani. Romi i cili ishte edhe bashkëpunëtorë i pushtuesit serb shkaktonte çdo ditë problem nxënësve dhe profesorëve duke i penguar që të zhvillojnë mësimet. Shtëpinë e blerë nga një rom, Jeta e rrënoi atë dhe e përgatiti për nxënësit një fushë volejbolli. Si i tillë Jeta tërheqë vëmendjen e ilegales ku, në janar të vitit 1989 anëtarësohet në Organizatën ilegale “KOMITETI KOMBËTAR SHQIPTAR PËR BASHKIMIN E TROJEVE”, Komitet ky që vepronte në ilegalitet të thellë që drejtohej nga Ruzhdi Saramati.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy