Lajme

Rriten kreditë individuale, frenojnë ato për biznese

Autori: Gazeta inFokus 14:05 | 02 Maj 2017

Huaja për individët ka shënuar një rritje të ndjeshme në muajin mars, sipas statistikave të publikuar asot nga banka e Shqipërisë, duke ndikuar në gjallërimin e kredisë për gjithë ekonominë.

Sipas Bankës së Shqipërisë stoku i huas për ekonominë arriti në 547.4 miliardë lekë në mars, me një rritje prej 1.6 miliard lekë në krahasim me muajin e mëparshëm, apo rreth 0.3%.

Ky është zgjerimi më i madh mujor që nga nëntori i këtij viti dhe ka ardhur pothuajse tërësisht nga huaja që është dhënë për individët dhe familjet.

-Advertisement-

Kredia për individët arriti në 169.4 miliardë lekë, me një rritje prej gati 1% në raport me muajin e mëparshëm.

Huaja për individë ka shënuar rritje si në lekë, ashtu dhe në valutë.

Bankat së fundmi po targetojnë gjithnjë e më shumë familjet dhe individët, pasi ato kanë rezultuar kredimarrës më të mirë në raport me bizneset dhe janë më korrektë në kthimin e kësteve. Edhe vrojtimi i fundit i kredidhënies i Bankës së Shqipërisë tregonte se bankat i mbanin të shtrënguara standardet e kredisë për bizneset dhe i kishin lehtësuar për individët. Ofertat e bankave për kredi për shtëpi kanë qenë mjaft të leverdishme muajt e fundit.

Ndërsa huaja për bizneset ka shënuar një rritje fare të lehtë në mars, në krahasim me muajin e kaluar.

Me bazë vjetore (mars 2017/mars 2016), kredia për ekonominë është rritur pothuajse zero, duke treguar për një ngërç të kreditimit në vend, sidomos tek bizneset, që është tkurrur me 1.1%. Ndërsa huaja për individët është rritur me 3.4% për të njëjtën periudhë. /RevistaMonitor/Telegrafi/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy