Lajme

Agim Çeku: Pa ushtri, s’kemi çka t’i ofrojmë as NATO-s

Autori: Gazeta inFokus 10:39 | 29 April 2017

Asociacioni i Paktit Atlantik i Rinisë së Kosovës ka organizuar një tryezë diskutimi rreth integrimeve euroatlantike të vendeve të Ballkanit Perëndimor.

Pjesë e saj janë deputetët Agim Çeku dhe Daut Haradinaj si dhe eksperti i sigurisë Seremb Gjergji.

Çeku në fjalën e tij ka përshëndetur anëtarësimin e Malit të Zi në NATO, duke theksuar se ky është një hap pozitiv për të mirën e tërë Ballkanit Perëndimor, njofton Klan Kosova.

-Advertisement-

“Edhe Kosova synimet i ka të bindura në anëtarësimin në NATO dhe nuk ka ndonjë kundërshtar brenda Kosovës rreth kësaj çështjeje”, ka theksuar Çeku.

“Edhe NATO e din këtë synim të Kosovës mjaftë qartë”.

“Por çështja që Kosova nuk është njohur nga katër shtete anëtare të NATO-ss po e bënë që kjo organizatë të mos e njoh statusin e plotë të pavarësisë së Kosovës dhe qëndron neutral ndaj shtetit tonë”, ka shtuar ish-ministri i FSK-së.

Prandaj sipas tij edhe nuk janë marrë hapa akoma konkret.

“Por edhe derisa nuk e kemi formuar ushtrinë ne nuk kemi çfarë t’i ofrojmë NATO-s”.

“Aandaj fillimisht duhet ta bëjmë ushtrinë”, ka pohuar Çeku.

Anëtarësimi i Kosovës në NATO ai ka theksuar se vendit do t’i sillte edhe siguri ekonomike.

“Kur të është vendi anëtarë i NATO-s atëherë ka edhe siguri më të madhe dhe kjo siguri reflektohet edhe në zhvillimin ekonomik dhe stabilitet të bizneseve”, ka përfunduar Çeku.

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme