Sport

Joshua – Klitschko po thyen rekorde, këto janë shifrat marramendëse

Autori: Gazeta inFokus 22:16 | 28 April 2017

Anthony Joshua do të përfitojë rreth 15 milionë euro nga dueli me Wladimir Klitschko, ndërsa ukrainasi do të arkëtojë pak më shumë – rreth 18 milionë.

Dueli i së shtunës mbrëma pritet të thyej edhe rekord sa i përket shikueshmërisë në televizion. Mbi 1,5 miliardë njerëz pritet të shikojnë përballjen para ekraneve. Vetëm nga të drejtat televizive do të arkëtohen mbi 30 milionë euro.

Në stadiumin Wembley ku do të zhvillohet dueli do të jenë të pranishëm 95 mijë shikues, ku duke përfshirë këtu edhe 5 mijë ulëse të shtuara për shkak të kërkesës së madhe.

-Advertisement-

Anthony Joshua parashikohet se do të bëhet boksieri i parë që do të përfitojë mbi 1 miliardë euro gjatë karrierës. I pari sa i përket përfitimeve deri tani është Floyd Mayweather me rreth 600 milionë euro.

Joshua deri tani i ka zhvilluar 18 duele në boksin profesionist dhe të gjitha i ka përfunduar para kohe me K.O.