Lajme

Hoxhaj takon ambasadorin e Belgjikës, diskutojnë aplikimin në organizata ndërkombëtare

Autori: Gazeta inFokus 13:24 | 27 April 2017

Ministri i Punëve të Jashtme të Kosovës, Enver Hoxhaj ka pritur sot në takim ambasadorin jo rezident të Belgjikës në Kosovë, François Bontemps.

Sa i përket forcimit të subjektivitetit ndërkombëtar të Kosovës, Hoxhaj ka kërkuar mbështetjen e Belgjikës për anëtarësim në organizata ndërkombëtare, pasi që Kosova planifikon të aplikojë në disa sosh këtë vit.

Hoxhaj po ashtu ka theksuar se Kosova këtë vit planifikon të aplikojë edhe për statusin e kandidatit, duke qenë se është i vetmi vend në Ballkan që nuk e ka marrë ende këtë status.

-Advertisement-

“Këtë vit, ne planifikojmë të aplikojmë në disa organizata ndërkombëtare, por kemi në plan edhe aplikimin për statusin e kandidatit pasi që Kosova është i vetmi vend në Ballkan që nuk e ka këtë status. Mbështetja e Belgjikës në këto procese të rëndësishme, është e rëndësisë së madhe që Kosova të shënojë sukses”, ka thënë Hoxhaj.

Mbështetja e madhe e Belgjikës, po ashtu, ka bërë që Kosova të bëhet anëtar i Organizatës Botërore të Doganave. /Telegrafi/

Subscribe në YouTube: GAZETA INFOKUSI