Lajme

Rama: Pa vettingun nuk do të ketë rritje investimesh

Autori: Gazeta inFokus 12:28 | 27 April 2017

Kryeministri i Shqipërisë, Edi Rama, deklaroi të enjten se arsimi profesional është e vetmja rrugë që të siguron një punë dhe të ardhura të mira dhe se kriza më e rëndë e trashëguar ndër vite është ajo e papunësisë rinore.

Në fjalën e mbajtur gjatë aktivitetit të zhvilluar sot “Olimpiada e aftësive”, Rama tha se zhvillimi i arsimit profesional mund të sjellë një reduktim të papunësisë në vend.

“Besoj se kriza më e rëndë në të gjithë gamën e krizave që ne trashëguam është kriza e papunësisë rinore dhe adresimi më i rëndësishëm i të gjithë spektrit të politikave tona të reja është adresimi i  këtyre krizave”, tha ai.

-Advertisement-

Sipas Ramës, pas investimit të kryer nga qeveria shqiptare duke rritur buxhetin për arsimin profesional, tanimë duhet që kompanitë private të financojnë praktikën e studentëve.

Rama nuk la pa përmendur edhe çështjen e vettingut që sipas tij qeveria është e vendosur për të zhbllokuar një orë e më parë.

“Pa vettingun dhe pa pastrimin e gjykatësve dhe  prokurorëve, nuk do të ketë rritje investimesh. Ne jemi shumë të vendosur të zhbllokojmë vettingu një orë e më parë dhe patjetër që do të zhbllokohet”, ka thënë kryeministri Rama

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme