‘Studentët’ reagojnë për ligjin e Inspektoratit të Trashëgimisë Kulturore me gjuhë fyese ndaj Kosovës – përmendin garancitë e Ahtisaarit
Autori: Gazeta inFokus
19:28 | 22 November 2026
Lëvizja Studentore e Serbisë që ka fituar zgjedhjet parlajemntare, ka reaguar kundër Projektligjit për Inspektoratin Qendror të Trashëgimisë Kulturore në Kosovë, i cili është miratuar në lexim të parë në Kuvend.
Në një deklaratë, kjo lëvizje ka pretenduar se kompetencat e reja të inspektoratit mund të cenojnë mbrojtjen e kishave dhe manastireve ortodokse serbe në Kosovë.
Pushteti në ardhje i Serbisë ka kritikuar edhe faktin që, sipas saj, projektligji është miratuar pa konsultime me Kishën Ortodokse Serbe.
Po ashtu ajo iu ka bërë thirrje përfaqësuesve të bashkësisë ndërkombëtare që ta përcjellin procesin, ndërsa institucioneve të Kosovës u ka kërkuar që dispozitat e projektligjit të jenë në përputhje me Ligjin për Zonat e Veçanta të Mbrojtura. /Gazeta Express
Reagimi i plotë pa ndërhyrje:
Deklaratë e Lëvizjes Studentore lidhur me Projektligjin për Inspektoratin Qendror të Trashëgimisë Kulturore në Kosovë
Lëvizja Studentore shpreh shqetësim për miratimin në lexim të parë të Projektligjit për Inspektoratin Qendror të Trashëgimisë Kulturore në Kuvendin e të ashtuquajturit shtet të Kosovës, veçanërisht për shkak të pasojave të mundshme që kompetencat e reja inspektuese mund të kenë në mbrojtjen e trashëgimisë kulturore dhe fetare serbe.
Mbrojtja e trashëgimisë kulturore duhet të bazohet në parimet profesionale, sundimin e ligjit dhe respektimin e garancive ligjore të përcaktuara.
Vendosja e mekanizmave të rinj të mbikëqyrjes inspektuese nuk duhet të çojë në dobësimin e regjimit të veçantë të mbrojtjes për manastiret dhe kishat ortodokse serbe, e as në anashkalimin e procedurave dhe kompetencave ekzistuese të përcaktuara me Ligjin për Zonat e Veçanta të Mbrojtura.
Veçanërisht shqetësues është fakti se këto rregullore janë miratuar pa konsultime me Kishën Ortodokse Serbe, objektet fetare dhe pronat e së cilës përfshihen drejtpërdrejt në dispozitat e propozuara ligjore, duke cenuar kështu drejtpërdrejt të drejtat e komuniteteve fetare dhe mbrojtjen e trashëgimisë kulturore.
U bëjmë thirrje përfaqësuesve përkatës të bashkësisë ndërkombëtare që ta monitorojnë nga afër këtë proces, duke pasur parasysh garancitë ekzistuese juridike ndërkombëtare për mbrojtjen e Kishës Ortodokse Serbe, pronës dhe trashëgimisë së saj kulturore në Kosovë, si dhe garancitë dhe detyrimet juridikisht të obligueshme që Prishtina ka marrë përsipër në procesin e normalizimit të marrëdhënieve me Beogradin. Gjithashtu, u bëjmë thirrje institucioneve përkatëse në Prishtinë që, gjatë vazhdimit të procesit legjislativ, të sigurojnë që dispozitat e propozuara të jenë plotësisht në përputhje me këto garanci dhe mekanizma mbrojtës.
Ruajtja e trashëgimisë kulturore nuk duhet t’i nënshtrohet rregullimeve institucionale të njëanshme, të cilat mund të rrezikojnë garancitë ekzistuese për mbrojtjen e saj. Ajo kërkon siguri juridike, përgjegjësi profesionale, dialog dhe pjesëmarrjen e të gjitha palëve të interesuara.

T� tjera
-
Dyshimet për mbetje mortore, ekipet kthehen sërish në veri
Pas përfundimit të gërmimeve në Brod të Shërpcës, ekipet mjeko-ligjore do të ...
-
Nëntori i gjen bashkë, Kurti me Kasamin e Mexhitin diskutojnë projektet e përbashkëta
Kryetari i Tetovës, Bilall Kasami ka mirëpritur në takim kryeministrin e Koso...
-
“Foto e ditës”, Rama në mesin e figurave kryesore të Kongresit të Manastirit
Kryeministri i Shqipërisë, Edi Rama ka ndarë një foto të veçantë në Ditën e A...
-
“Bërtet kapeni hajnin, por vetë është hajni”, Ukshini godet BE-në për Gjykatën Speciale
Historiani Sylë Ukshini e ka cilësuar si hajdute Bashkimin Evropian. Kjo p...
-
E djathta britanike distancohet nga Trump pasi e quajti Putinin “mik”
Zëvendëslideri i Reform UK e quan udhëheqësin rus “një diktator vrasës”, pasi...
-
Macron paralajmëron për një nivel të ri agresioni të Rusisë në Europë
Presidenti francez, Emmanuel Macron, ka ngritur alarmin për një nivel të ri a...
-
Paralajmërohen gjoba për qarkullim jashtë rrugëve të lejuara në Bjeshkët e Nemuna
Inspektorati i Natyrës, në bashkëpunim me rojet e natyrës të Drejtorisë Admin...
-
Arrestohet një person në Gjilan, Prokuroria: Mblodhi afro 200 mijë euro duke mashtruar se vuan nga leukemia
Një person me inicialet E.A. është arrestuar mbrëmë rreth orës 22:00 në Gjila...
-
U mbajt për herë të parë në Kosovë, përmbyllet me sukses “European Defense Tech Hackathon”
Ministri i Mbrojtjes, Ejup Maqedonci ka bërë të ditur se pas tre ditësh me ak...
-
Imami kosovar kundër lojës virale GTA 6: Është haram!
Imami kosovar, Labinot Maliqi ka kritikuar lojën më virale të momentit, GTA 6...
-
Greva në Belgjikë, nesër pritet të ketë ndërprerje të fluturimeve
Një protestë kombëtare e organizuar nga tri sindikatat kryesore në Belgjikë p...
-
Djali i Dautit e Kadriut bashkë me shokë bëjnë një dedikim të veçantë për Jakup Krasniqin
Djemtë e ish-luftëtarëve të Ushtrisë Çlirimtare të Kosovës kanë bërë një dedi...































