Lajme

Ymeri “godet” Kurtin: Dikur i quante “mafia energjetike”, sot Kosova importon rregullisht energji nga kompania e Hamoviçëve

Autori: Gazeta inFokus 09:01 | 13 November 2026

Deputetja e Lidhjes Demokratike të Kosovës (LDK), Janina Ymeri, ka hedhur akuza ndaj kryeministrit Albin Kurti, duke pretenduar se Kosova gjatë vitit 2026 ka importuar energji elektrike nga një kompani e lidhur me familjen Hamoviç, të cilën Kurti më herët e kishte lutur Edi Ramën ta largonte sepse e quante “mafia energjetike”, shkruan Gazeta Infokus.

Përmes një postimi në rrjetet sociale, Ymeri ka publikuar një dokument me listën e kompanive nga të cilat Kosova ka importuar energji elektrike gjatë vitit 2026.

Në dokumentin e publikuar figuron dy herë kompania “Energy Financing Team (Switzerland) AG”, me adresë në Zvicër, të cilën deputetja e ndërlidh me familjen Hamoviç.

-Advertisement-

“Në fotografinë e parë keni provën, se këtë vit, Kosova ka pas import të rregullt të energjisë elektrike nga kompania e Hamoviç-ëve, për të cilën Kurti e kishte lutur Edi Ramën ta hiqte sepse janë mafia energjetike. Ha-ha!”, ka shkruar Ymeri.

Deputetja e LDK-së e ka akuzuar Kurtin për qëndrime kontradiktore lidhur me tregtimin e energjisë elektrike dhe raportet me kompanitë e përmendura.

“Nacionalizëm i shtirë deri në qiell”, ka deklaruar ajo.

Po ashtu Ymeri ka publikuar edhe një  fotografi në të cilën ka shkruar se shihen Josip Broz Tito dhe pjesëtarë të familjes Hamoviç.

“Në fotografinë e dytë në qendër keni Josip Broz Tito, anash keni Hamoviç-ët, e njejta familje, i njejti pushtet. Vitet e Lufta e II Botërore kur edhe u pushtu Kosova nga Serbia”, ka shkruar deputetja.

Në fund të reagimit, Ymeri ka ironizuar me kryeministrin Kurti.

“Ky është progresi i kombit tonë me Kryeministrin”, ka përfunduar ajo./Gazeta Infokus

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy