Lajme

Zyrtarizohet koalicioni VV-LDK në Shtime, LDK merr katër drejtori dhe kryesuesin e Kuvendit Komunal

Autori: Gazeta inFokus 21:52 | 12 November 2026

Lëvizja Vetëvendosje dhe Lidhja Demokratike e Kosovës kanë zyrtarizuar marrëveshjen për bashkëqeverisje në Komunën e Shtimes, shkruan Gazeta Infokus.

Lajmin e ka bërë të ditur Kastriot Shabani, i cili ka njoftuar se marrëveshja është formalizuar sot dhe parasheh ndarjen e përgjegjësive qeverisëse ndërmjet dy subjekteve politike gjatë mandatit aktual.

“Sot zyrtarizuam edhe përmes aktit formal marrëveshjen e koalicionit me Lëvizjen Vetëvendosje – Qendra në Shtime për mandatin qeverisës”, ka shkruar Shabani.

-Advertisement-

Sipas tij, marrëveshja është rezultat i përpjekjeve të përbashkëta dhe synon zhvillimin e komunës dhe përmirësimin e jetës së qytetarëve.

“Marrëveshja është nënshkruar mbi parimet e qeverisjes së mirë dhe mirëbesimit, në përputhje me ligjet në fuqi dhe do të jetë në funksion të zhvillimit të qytetit tonë dhe përmirësimit të jetës së qytetarëve të Komunës tonë”, ka deklaruar ai.

Në bazë të kësaj marrëveshjeje, LDK-ja do të udhëheqë katër drejtori komunale, si dhe do të marrë pozitën e kryesuesit të Kuvendit Komunal të Shtimes.

“Lidhja Demokratike e Kosovës – Dega në Shtime do të marrë udhëheqjen e katër drejtorive komunale dhe pozitën e Kryesuesit të Kuvendit Komunal”, ka bërë të ditur Shabani.

Në njoftimin e tij nuk janë specifikuar se cilat katër drejtori do t’i takojnë LDK-së dhe kush do të propozohet për pozitën e kryesuesit të Kuvendit Komunal. /Gazeta Infokus/

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy