Lajme

Shiroka-Pula takon ministrin e Malit të Zi, Marash Dukaj – në fokus bashkëpunimi mes dyja vendeve

Autori: Gazeta inFokus 12:20 | 27 October 2026

Presidentja e Kosovës, Justina Shiroka-Pula, ka pritur në takim ministrin e Administratës Publike të Malit të Zi, Marash Dukaj, i cili ishte i shoqëruar nga ambasadori i këtij vendi në Kosovë, Bernard Çobaj.

Gjatë takimit, Dukaj e uroi Shiroka-Pulën për marrjen e detyrës së presidentes dhe i dëshiroi sukses gjatë mandatit të saj.

Nga ana e saj, presidentja e falënderoi ministrin malazez për vizitën dhe urimet, duke theksuar rëndësinë e marrëdhënieve të mira dhe të bashkëpunimit ndërmjet Kosovës dhe Malit të Zi.

-Advertisement-

Sipas njoftimit, gjatë takimit u vlerësua roli i shqiptarëve në Mal të Zi dhe i malazezëve në Kosovë si urë lidhëse ndërmjet dy vendeve, si dhe kontributi i tyre në forcimin e miqësisë, mirëkuptimit dhe bashkëpunimit ndërmjet dy popujve.

Presidentja Shiroka-Pula theksoi se ruajtja dhe avancimi i marrëdhënieve të mira me Malin e Zi është në interes të të dyja vendeve.

Ajo shprehu gjithashtu gatishmërinë për të mbështetur thellimin e bashkëpunimit në fusha me interes të përbashkët.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy