Arberie Nagavci ka bërë të ditur se kanë iniciuar themelimin e një komisioni hertimor parlamentar për rastin e vrasjes së Arlinda Zekajt.

Ajo ka thënë se komisioni, me mandat gjashtëmujor, do të hetojë veprimet dhe mosveprimet e të gjithë zinxhirit institucional përgjegjës për mbrojtjen e jetës dhe sigurisë së Arlinda Zekajt, nga trajtimi i denoncimeve dhe paralajmërimeve te vlerësimi i rrezikut, zbatimi i urdhrave të mbrojtjes dhe veprimet e policisë, prokurorisë, gjykatave dhe institucioneve të tjera përgjegjëse.

“Hetimi do të përfshijë edhe funksionimin e mekanizmave institucionalë për parandalimin dhe trajtimin e dhunës ndaj grave dhe fëmijëve. Brenda 60 ditëve nga themelimi, komisioni parashihet t’i paraqesë kuvendit raportin e përkohshëm me gjetjet fillestare dhe masat që kërkojnë veprim të menjëhershëm. Asnjë neglizhencë, vonesë apo mosveprim institucional nuk duhet të mbetet pa u shqyrtuar. Duhet të zbardhet se kush ka pasur detyrimin të veprojë, çfarë veprimesh janë ndërmarrë dhe ku ka dështuar mbrojtja institucionale”, ka thënë Nagavci.

-Advertisement-

Postimi i plotë i Nagavcit:

Arlinda Zekaj, e cila kishte kërkuar ndihmë dhe kishte paralajmëruar institucionet për rrezikun ndaj jetës së saj, përfundoi e vrarë. Ky rast kërkon përgjigje të qarta, përgjegjësi dhe llogaridhënie institucionale. Andaj, kemi iniciuar themelimin e komisionit hetimor parlamentar.

Komisioni, me mandat gjashtëmujor, do të hetojë veprimet dhe mosveprimet e të gjithë zinxhirit institucional përgjegjës për mbrojtjen e jetës dhe sigurisë së Arlinda Zekajt, nga trajtimi i denoncimeve dhe paralajmërimeve te vlerësimi i rrezikut, zbatimi i urdhrave të mbrojtjes dhe veprimet e policisë, prokurorisë, gjykatave dhe institucioneve të tjera përgjegjëse.

Hetimi do të përfshijë edhe funksionimin e mekanizmave institucionalë për parandalimin dhe trajtimin e dhunës ndaj grave dhe fëmijëve. Brenda 60 ditëve nga themelimi, komisioni parashihet t’i paraqesë kuvendit raportin e përkohshëm me gjetjet fillestare dhe masat që kërkojnë veprim të menjëhershëm.

Asnjë neglizhencë, vonesë apo mosveprim institucional nuk duhet të mbetet pa u shqyrtuar. Duhet të zbardhet se kush ka pasur detyrimin të veprojë, çfarë veprimesh janë ndërmarrë dhe ku ka dështuar mbrojtja institucionale.

Bazuar në gjetjet e hetimit, do të kërkojmë masa konkrete, adresimin e përgjegjësive tek organet kompetente dhe përmirësimin e mekanizmave institucionalë për mbrojtjen e viktimave të dhunës.

Institucionet duhet të veprojnë para se të jetë vonë. Heshtja, neglizhenca dhe papërgjegjësia nuk mund të tolerohen!

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-