Policia e Kosovës ka sekuestruar një sasi armësh, municioni dhe mjetesh të tjera gjatë kontrollit të shtëpisë së një të dyshuari në fshatin Vitomiricë të Pejës, në kuadër të hetimeve për rastin e vrasjes së Arlinda Zekajt.

Sipas raportit shtesë të Policisë, rasti është iniciuar si “Vrasje e rëndë”, ndërsa më 25 tetor 2026, në orën 21:02, janë raportuar detaje lidhur me veprimet hetimore të ndërmarra nga organet e rendi.

Gjatë kontrollit në shtëpinë e të dyshuarit, mashkull kosovar, zyrtarët policorë kanë gjetur dhe sekuestruar disa dëshmi materiale, përfshirë një pushkë gjuetie, 153 fishekë, disa karikatorë dhe disa pajisje të armës.

-Advertisement-

Po ashtu, gjatë këtij operacioni janë sekuestruar tri thika, një bajonetë, 115 gëzhoja dhe një sëpatë. Të gjitha këto sende janë marrë nga Policia në kuadër të veprimeve hetimore lidhur me rastin.

Sekuestrimi i këtyre mjeteve vjen në vazhdën e hetimeve për vrasjen e Arlinda Zekajt, ndërsa mbetet të sqarohet nëse dhe në çfarë mënyre sendet e gjetura mund të ndërlidhen me ngjarjen.

Autoritetet pritet të vazhdojnë hetimet për të sqaruar rrethanat e vrasjes dhe për të siguruar prova që mund të ndihmojnë në zbardhjen e plotë të rastit.

Vrasja e Arlinda Zekajt, e cila ndodhi më 25 tetor në Vitomiricë të Pejës, ka nxitur reagime të shumta dhe ka rikthyer në vëmendje çështjen e mbrojtjes së grave nga dhuna dhe përgjegjësinë e institucioneve në trajtimin e rasteve të tilla.

Një ditë pas vrasjes, më 26 tetor, Kuvendi i Kosovës mbajti seancë të jashtëzakonshme për vrasjen e Zekajt, rastet e tjera të vrasjes së grave, dhunën në familje dhe përgjegjësinë institucionale.

Gjatë diskutimeve në Kuvend, deputetët kërkuan që të shqyrtohen veprimet dhe mosveprimet e institucioneve përgjegjëse, ndërsa u ngrit edhe iniciativa për krijimin e një komisioni hetimor parlamentar për të trajtuar zinxhirin e përgjegjësisë institucionale në këtë rast.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-